Venti años de la Guerra de les Malvines

L'Arxentina celebra estos díes ún de los cabudaños más tristayos del so calendariu. Al cumplise los venti años del entamu de la Guerra de Les Malvines, qu'engarró a la decadente dictadura militar arxentina cola Inglaterra de Thatcher, tan asoleyando cuestiones qu'espeyen l'abegosa historia de l'Arxentina contemporánea. Asina, el diariu Página12 argumentaba que la guerra ye un trauma qu'entovía nun ta resueltu .Llama l'atención que, venti años depués de la guerra que más mancó al país, el presidente Eduardo Duhalde tuviere ayeri en dos actos de conmemoración nos que dio discursos atacaos de patrioterismu y reclamó que "Les Málvines son más de nuestro que nunca". Al respective, nun ta de más remembrar que pa les Fuerces Armaes, lo de les Malvines inda ye "una xesta".Pa conocer el desarrollu de la guerra y ver otros enllaces d'interés sobre la tema recomendamos esti especial (en castellanu) del serviciu de noticies de la cadena inglesa BBC

Contador Estadistiques