Varela nun va presentase a la reeleición como alcaldesa

La socialista Pilar Varela anunció esti llunes que nun va presentase a la reeleición como alcaldesa d'Avilés. Refugó que la so imputación nel 'Casu Niemeyer' tuviera que ver na so decisión.

Tres dos llexislatures como primer edil de la tercer ciudá asturiana en población, Varela alega "motivos personales" pa nun aspirar a continuar al frente de l'alcaldía, anque apunta que va siguir na política como militante o n'otres funciones. D'igual forma, descartó que la so imputación nel casu sobre les irregularidaes coles factures de los actos d'inauguración del Niemeyer, que tovía tien la instrucción abierta, influyera na decisión anunciada esta mañana.