Vanessa Gutiérrez alcuéntrase colos sos llectores en Villaviciosa

|
Cartelu alcuentru con Vanessa Gutiérrez 'El paisaxe nuestru' nos Talleres de Llectura de Villaviciosa

La escritora nacida n'Urbiés va falar colos presentes de 'El paisaxe nuestru', ensayu premiáu col XXII Máximo Fuertes Acevedo.

Los Talleres de Llectura n'Asturianu de Villaviciosa, qu'entama'l Serviciu de Normalización Llingüística 'Comarca de la Sidra', celebren un alcuentru con Vanessa Gutiérrez. Va tener llugar esta tarde, a les 19 hores, nel aula del segundu pisu del Centru Cultural Capistrano.

En 'El paisaxe nuestru' (Saltadera) l'autora "desarrolla la so indagación sobre la identidá y la memoria familiar y colectiva que yá abordara en 'La cama' (Ámbitu, 2008)", espliquen dende'l SNL. Esta obra foi gallardonada nel 2016 nos Premios Lliterarios qu'entrega la Conseyería d'Educación y Cultura.

 

Contador Estadistiques