Valledor y IX tensen la cuerda cola FSA pola reforma del estatutu

Énte l'anuncia por parte del secretariu xeneral de los socialistes asturianos Javier Fernández d'una posible reforma del estatutu d'autonomía asturianu pautada ente les dos grandes fuerces polítiques asturianes, Izquierda Xunida ta asoleyando la so argumentación propia énte un procesu que pue dexar fuera a la fuerza que tien polos socialistes en gobiernu d'Asturies.

El Conseyeru de Xusticia Javier Valledor retrucó a l'anuncia de Fernández acusando a los socialistes de tener una visión "provinciana" d'Asturies" y asegurando que la FSA quier tenese nel PP pa "imponer n'Asturies un modelu autonómicu ensin ambición"
que nun diba garantizará la igualdá de derechos económicos y políticos con otres comunidaes. Y alvirtiendo que de pautar la reforma estatutaria col PP, l'alcuerdu de gobiernu n'Asturies diba peligrar. Valledor aseguró tamién que la FSA ta más averada al discursu del PP qu'al del presidente Zapatero.


El secretariu xeneral d'IX d'Asturies, Jesús Iglesias, tamién declaró que nun-y prestaba la idea de que'l PSOE roblare col PP la reforma del estatutu, anque tamién aclarió que, en casu de caltener los populares la so postura contraria a debatir la reforma del estatutu, diba valir más dexar el debate estatutariu pa más en p'alantre.