Valledor amenaza con francer el pautu de Gobiernu

El conseyeru de Xusticia Javier Valledor valoró ayeri negativamente'l nomamientu del popular Noel Zapico como axuntu a la Procuradora Xeneral d'Asturies Mª Antonia Fernández Felgueroso, y denunció que con ello queda demostrao que PSOE y PP amagostaren el repartu de cargos al frente d'esti organismu. El conseyeru amenazó con francer el pautu de gobiernu si dambos partíos repitieren alcuerdu secretu pa pautar la reforma del estatutu d'autonomía a la vuelta de les vacaciones.

Valledor, qu'albidra un averamientu ente PP y PSOE declaró que-y abultaba llamativo'l que "la Federación Socialista Asturiana, y más nel añu de la memoria histórica, nos mangue d'alxuntu a un procurador de les cortes franquistes" dalgo que pa Valledor va ser amás "diffícil de tragar nes cuenques mineres" onde "va pasase mal el que defenda los derechos democráticos de los asturianos dalguien que tuvo una rellación directa col réxime anterior". El nomamientu de Zapico pal cargu ye pa Valledor una muestra de que "PP y PSOE mintieron a tola sociedá asturiana" cuando dixeron que nun había tratu ente ellos pa repartise estos cargos, afirmando que "sí había tratu y yera de fierro".El conseyeru de Xusticia Javier Valledor valoró ayeri negativamente'l nomamientu del popular Noel Zapico como axuntu a la Procuradora Xeneral d'Asturies Mª Antonia Fernández Felgueroso, y denunció que con ello queda demostrao que PSOE y PP amagostaren el repartu de cargos al frente d'esti organismu. El conseyeru amenazó con francer el pautu de gobiernu si dambos partíos repitieren alcuerdu secretu pa pautar la reforma del estatutu d'autonomía a la vuelta de les vacaciones.