Valdesoto prepara un nuevu Domingu de Sidros y Comedies

Les dos comedies van representase a partir de les 12.30 hores nel Campu la Ilesia.

L'Asociación pa la Recuperación de Los Sidros y Les Comedies ‘El Cencerru’ entama una edición nueva de los Domingos de Sidros y Comedies, tradición recuperada hai unos años y que col pasu'l tiempu ta garrando más fuercia, como demuestra la gran cantidá de públicu de dientro y fuera de Valdesoto qu'acude a la cita. Tres un desfile encabezáu polos sidros, qu'anuncien la llegada de la comedia, ésta llega al Campu la Ilesia alredor de les 12.30 hores, yendo en primer llugar la que conformen los escolinos de Faes.

Los más pequeños representarán ehí la comedia 'Vivamos en paz', escrita por Pergentino Martínez. Darréu, los mayores interpretarán 'Valdesoto ta de comedia', de José Ramón Oliva.

Esti añu, pa promocionar l'eventu, El Cencerru ellaboró un spot que pues ver calcando equí.