La Casa d'Asturies en València va poner un cursu d'asturianu

Los socios de la Casa d'Asturies en València van poder averase al asturianu a partir d'ochobre. La direutiva del centru pon un cursu en collaboración con Iniciativa pol Asturianu.

Nun conceyu celebráu la selmana pasada en Xixón dambes entidaes llegaron a un alcuerdu de collaboración pa facilitar la puesta en marcha d'esti cursu de llingua asturiana na capital de la Comunitat Valenciana. Asina, Iniciativa pol Asturianu va emprestar too tipu de material bibliográficu y multimedia pal so entamu, amás de sofitu nos conteníos y orientación del mesmu. "Dende Iniciativa pol Asturianu nun podemos tar más satisfechos por esta nueva iniciativa de la que se va dar anuncia con más detalle a lo llargo del mes de setiembre. Felicitamos a la Casa d'Asturies en València pol usu que fai yá davezu y con normalidá de la nuesa llingua y por esta iniciativa qu'aguardamos seya l'entamu de más collaboraciones", amás d'animar a otros centro asturianos a siguir los mesmos pasos que'l valencianu, que tien la so páxina web nel nuesu idioma.