UXT y CO OO van movilizase contra la reforma de la Constitución

Los dos sindicatos mayoritarios, UXT y CO OO, anunciaron l’aniciu de movilizaciones contra la reforma de la Constitución plategada pol PSOE y el PP. El miércoles y el xueves va haber protestes en tol Estáu y el día 6 una manifestación en Madrid.
 
Asina, la Unión Xeneral de Trabayadores (UXT) y Comisiones Obreres (CC OO) siguen el mesmu camín que’l movimientu 15-M, que salió ayeri a la cai en delles ciudaes del Estáu pa mostrar el so refugu a la reforma de la Constitución pa fixar un techu de gastu, y reclamar un referéndum coincidiendo coles eleiciones xenerales del mes de payares. Los indignaos consieren que la Constitución resultante diba tar próxima a “intereses económicos neolliberales” y que va servir pa recortar derechos sociales.
 
Los sindicatos escueyen estes el miércoles y el xueves por coincidir colos debates nel Congresu y nel Senáu sobre la modificación de la Constitución, anque la mayor ta prevista pal martes 6 de setiembre en Madrid. D’igual forma, piden a diputaos y senadores que voten contra la reforma nel trámite parllamentariu y que, nel casu de salir alantre, se celebre un referéndum. Los detalles de les movilizaciones van conocese nes próximes hores.