Uviéu 1 - Xerez 2

El Tartiere foi la melicina con que curar les mancadures d'un Xerez que venía de pasar un mes malu d'alma. Los carbayones foron, otra vuelta más, un equipu feble ensin consistencia p'aguantar un marcador al favor xugando en casa. Bien de la culpa na derrota tuviéronla los cambeos que fizo l'entrenador azul, qu'acabaron por marear a un equipu que yá saliere tracamundiáu a la segunda parte y nel que namás rescamplaba la figura d'Idiakez. Otramiente, ente los andaluces llamó l'atención del públicu'l llabor de Mora, antiguu porteru del Uviéu que salvó la puerta xerezana de más goles nuna primer parte bastante curiosa del equipu asturianu.