Uviéu 1 - Leganés 1

Nin fuera nin en casa son quien los carbayones a llevantar cabeza. El partíu d'esti sábadu énte'l Leganés entamó mal pa los asturianos, qu'encaxaron un gol al poco d'echar a andar el xuegu, pero la suerte parecía ponese col Uviéu cuando'l Leganés quedó con ún xugador menos por espulsión de Pulido. Sicasí, los de casa nun supieron aprovechar la ventaya. Anque yá nun teníen qu' enfotase en tirá-y balones llargos a Oli, tampoco crearon munchu peligru, y namás pela carril derecha metía daqué de presión Pablo Díaz. Con too y con ello, nel 74, un defensa del Leganés fizó-y penalty a Raúl. Yera la del Uviéu, pero Geni tirola ensin picardía y la pelota rebotó en porteru madrileñu. Suerte que taba ehí Pablo Díaz pa rematar al rebote y marcar l'empate. L'equipu sigue l'últimu, despide l'añu ensin ganar más que dos partíos y pierde tarrén colos que lleva delantre.