Uviéu pintó de blanco la fachada de la casa conceyu

La fachada de la casa conceyu d'Uviéu recibió ayeri una mano de pintura blanco. La capa de color que s'echó pela torre del reló de la fachada, llevantó les crítiques de bien de xente y del grupu de la oposición d'Izquierda Xunida, que presentó un escritu d'urxencia pidiendo que s'apararen los llabores de pintura que s'aplicaron sobre una fachada catalogada como elementu patrimonial y que data del sieglu XVII, con traces orixinales del añu 1622 arquitectu clasicista Juan de Naveda, responsable tamién na capital del palaciu de Valdecarzana y de la retonda de la Catedral, y del arquitectu Marcos Velasco, que diseñó otros cuerpos del edificiu en 1660.

Tres de la pintura albídrase que ta'l fechu de que la canal de TV Tele 5 escoyere esti añu la plaza l'Ayuntamientu d'Uviéu pa la tresmisión en directo de les campanaes de fin d'añu, que la canal fai cada añu dende una ciudá distinta d'España, una tradición qu'entamó tresmitiéndoles dende Galicia con motivu de la marea prieto del Prestige y qu'esti añu llegó a Uviéu, ciudá del campeón del mundu de Fórmula 1 Fernando Alonso. La casa conceyu uvieina tien yá dende va dellos díes colgadielles con motivos de la navidá.