Urdangarin, imputáu polos sos negocios col Instituto Nóos

El xuez qu’instrúi’l casu Palma Arena y que investiga les actividaes del Instituto Nóos decidió imputar a Iñaki Urdangarin poles sos actividaes al frente de la entidá. Esta sociedá pudo esviar hasta seis millones d’euros de dineru públicu y priváu.
 
Tres el llevantamientu de sumariu decretáu por José Castro, persona al frentre del xulgáu d''Instrucción númberu 3 de Palma, conocióse la noticia de la imputación d’Urdangarin, xenru del rei d’España. Según informaciones espublizaes na versión dixital del diariu ‘El País’, el maríu de la Infanta Cristina va tener que declarar el 6 de febreru próximu. Urdangarin ta acusáu de delitos presuntos de malversación, fraude, falsedá documental y prevaricación, adelantó’l periódicu ‘El Mundo’.
 
L’ex balonmanista presidió l’Instituto Nóos dende’l 2004 y el 2006. Según les investigaciones xudiciales, la entidá prodría esviar unos 6 millones d’euros de dineru priváu y públicu procedente de los gobiernos balear y valencianu. Otres 25 persones tán imputaes nesti casu xunto con Urdangarin y el so sociu, Diego Torres.