URAS-PAS algama 11 conceyales pero queda ensin representación parlamentaria

La coalición URAS-PAS queda fuera de la Xunta Xeneral al nun nun llograr más que pocos más de 13.000 votos ente les trés circunscripciones. Los líderes de la coalición valoraron mui negativamente los resultaos, comrntando'l candidatu Sergio Marqués "que nun paga'l tiru facer elecciones pa que salga lo mesmo cada cuatro años". Sánchez Vicente, pela so parte, esplicó que "l'electoráu asturianu ye adictu a una dieta probe". Sicasí, la coalición algamó un total de 11 conceyales, trés d'ellos en Villaviciosa, dos en Ponga onde ye la segunda fuerza mas votada con casi un 30% de los votos, y ún nos conceyos de Llaviana, Cabrales, Carreño, Tinéu, Noreña y Illas. N'algunos d'esos conceyos URAS-PAS va ser clave pa formar les mayoríes de gobiernu, como en Villaviciosa, Cabrales, Ponga y posiblemente en Carreño, onde'l mapa políticu ye especialmente complicáu al tener representación 6 formaciones distintes.