Unionistes y republicanos lleguen a un alcuerdu pal gobiernu del Ulster

El reverendu Ian Paisley, líder del mayoritariu Partíu Democráticu Unionista (DUP), y el presidente del Sinn Fein, Gerry Adams, alcordaron güei la formación d'un Gobiernu conxuntu pal Ulster que va entrar en vigor dende'l próximu ocho de mayu, según dieron anuncia nuna declaración conxunta. Los líderes de les dos formaciones, Ian Paisley y Gerry Adams reuniéronse por primer vegada pa preparar l'alcuerdu, que'l representante republicanu definió como "l'aniciu d'una era política nueva nesta islla" y que Paisley describió como una "ocasión enorme".

La fueya de ruta pal Ulster marcaba'l 26 de marzu como fecha tope pa la creación d'un gobiernu pa l'autonomía, que volvería a quedar en suspenso de nun llograse l'alcuerdu..

Cinco años dempués de que Londres suspendiere cautelarmente l'autonomía norirlandesa pol supuestu espionaxe del IRA na sede de les instituciones polítiques del Ulster y dempués de que Paisley aporfiare públicamente que nunca diba formar parte d'un gobiernu conxuntu col brazu políticu del IRA. El primer ministru británicu Tony Blair calificó l'anuncia como "mui importante pal pueblu d'Irlanda del Norte y pa la historia d'estes islles".

Más información na BBC