La formación política Unidá emitió ayeri un comunicáu de prensa en que denuncia la desapaición de más del 80% de los teitos y horros de cubierta vexetal, según esplicaron estos díes los etnógrafos Armando Graña y Juaco López Álvarez, autores va 22 años d'un censu oficial d'estes construcciones. Unidá acusa d'esta perda de patrimoniu "a los sucesivos gobiernos del PSOE y
PP" y asegura que "pa estos dos partíos la cultura asturiana nun ye más qu'una anécdota folclórica ensin personalidá nenguna".
Unidá afirma que "esta llaceriosa situación ye causa de la ineficacia de los gobiernos del PSOE y PP no que cinca a larquitectura popular asturiana y, en xeneral, a la cultura asturiana" y denuncia que "nun ye la primer vez que los mandatarios asturianos destos dos partíos desprecien aspectos culturales dAsturies como la llingua asturiana o los castros".
La formación política afirma que va solicitar a lalministración asturiana que sellabore un Plan de Protección y Rehabilitación de lArquitectura Popular Asturiana que tenga una dotación específica nos presupuestos xenerales dAsturies nel añu 2008 y posteriores y nun descarta tampoco entamar cualisquier acción llegal que correspuenda, contral Gobiernu Asturianu, por dexación de funciones na preservación del patrimoniu de la sociedá asturiana.