Una ventena de diputaos prometieron acatar la Constitución baxo la fórmula “por imperativu llegal”

Los diputaos del Congresu tuvieron que xurar o prometer acatar la Constitución esti martes, pasu indispensable pa ocupar l’escañu. Un ventena d’ellos fixéronlo por “imperativu llegal”, añadiendo dellos matices.
 
Los seis diputados de Amaiur presentes na sesión constitutiva del Congresu optaron por prometer la Constitución mediante la fórmula qu’inventó Herri Batasuna y que, tres un recursu del PSOE, foi avalada pol Tribunal Constitucional: “por imperativu llegal”. La mesma espresión utilizáronla los diputaos del PNV y la representante de Geroa Bai, Uxue Barkos, asina como’l diputáu d’IX venceyáu al 15-M, el malagueñu Alberto Garzón. Tamién usáronla, pero en catalán, los diputados de ICV-EUiA Laia Ortiz y Joan Josep Nuet, anque’l so cabezaleru, el sindicalista Joan Coscubiela, refugó l’usu d’adornos.
 
Los tres diputados de Esquerra Republicana, llideraos por Alfred Bosch, dieron un paso más y, amás d’acatar “por imperativu llegal”, añadieron, na so llingua, que van trabayar por una Constitución propia pa Catalunya. “Perdióse’l mieu a dicir les verdaes”, proclamó’l tamién republicanu catalán Joan Tardà, que cree que “val yá de falsedaes y hipocresíes". Mentes, los diputaos de CiU prometieron o xuraron en catalán, pero ensin añadíos.
 
Pela so parte, el coordinador xeneral d’Izquierda Xunida (IX), Cayo Lara; el secretariu xeneral del PCE, José Luis Centella, y la la madrileña Ascensión de las Heras, utilizaron la fórmula del “imperativu llegal” agregando, amás, que nun renuncien a les sos "convicciones republicanes". Pa Lara trátase d’una fórmula que nun contradiz la promesa de la Constitución pero que "ye evidente lo que diz: manifiesta la nuesa convicción republicana, sobre manera nestos tiempos que cuerren".
 
Llamazares promete ensin añadíos
 
El diputáu d’IX por Asturies, Gaspar Llamazares, pese a la variedá de fórmules utilizaes polos miembros del so grupu parllamentariu, fixo una promesa austera de la Constitución. Tres l’actu, opinó qu’hubo una "fiesta de creatividá" na sesión de constitución.
 
La única formación qu’amosó malestar poles fórmules utilizaes por estos diputaos foi UPyD. Asina, Rosa Díez aseguró que’l Congresu convirtióse “nun circu” y recomendó que si los políticos nun quieren acatar la Constitución, que nun se presenten a las eleiciones. "Nun entamamos bien", finalizó.