Una obra faraónica

La noticia de la selmana n'Asturies ye l'ampliación del Puertu d'El Musel de Xixón. La mayor instalación portuaria del país entama un periodu d'obres que van durar na menos que quince años hasta conseguir un macropuertu cinco vegaes más grande que'l d'agora. La obra, que nun pue calificase d'otro que de faraónica, convertirá'l Musel nuna mole que se verá dende Villaviciosa. Aparte del impactu visual, los espigones nuevos tendrán efectos sobre les marees y la fauna marítima. Nel web de l'Autoridá Portuaria pueden vese les llínies mayestres del proyectu, que yá ta llevantando la crítica de los grupos ecoloxistes.