Una historia en cartelos

L'añu pasáu, la Casa de Cultura de Mieres entamó una esposición que, so'l títulu "la llingua de papel" enseñaba lo más curioso de la cartelería n'asturianu dende los años 70 p'acá. Na esposición, qu'axuntó cerca de cuarenta exemplos del cartelismu n'asturianu más de recién. Los más de los cartelos son d'acontecimientos políticos y de manifestaciones pro-asturianu, anque tamién hai temes musicales y otros más raros de ver como partíos de fútbol. Sicasí, lo que más presta ye ver los deseparaos estilos de diseñu presentes na muestra. Dende los diseños d'artistes plásticos como Astur Paredes o Hugo O'Donnell, la esposición recueye tamién el trabayu de profesionales de la publicidá y el diseñu como l'asturianu Amadeo Benavides, creador de l'axencia QTC, o la casa Serrador & Martín.La llingua de papel yá nun ta colgando de denguna parede, pero si ta colgada na rede nesta web del Ayuntamientu de Mieres onde pues ver reproducíos los 37 cartelos que fain la muestra.

Contador Estadistiques