Una concentración va reclamar en Xixón el derechu a decidir

|
Logu Asturies pol Derechu a Decidir

La plataforma Asturies pol Derechu a Decidir convócala na viéspora de la consulta catalana.

Ésta ta constituyida "por iniciativa d'estremaes asociaciones y colectivos sociales, organizaciones polítiques y sindicales, lo mesmo que ciudadanes a títulu individual, en sofitu y solidaridá col pueblu catalán y el so llexítimu derechu a decidir el 1-O", espliquen nun comunicáu. "Asturies pol derechu a decidir surde énte la necesidá d'una respuesta asturiana unitaria en defensa del derechu a decidir y en favor de les llibertaes democrátiques, énte les polítiques represives y autoritaries que'l gobiernu, col sofitu del restu de componentes del Réxime del 78, ta exerciendo contra'l pueblu catalán", al tiempu que destaca el "procesu de lluches sociales y sindicales que se xeneraron alredor de la llucha pol derechu a decidir, porque tamién equí apostamos por poder exercelu".

La cita ye mañana, a les 19 hores, na xixonesa plaza El Marqués, baxo'l lema 'Pol derechu a decidir y les llibertaes civiles. Contra'l réxime del 78. Pola soberanía popular', la xornada previa a la convocatoria del referéndum pola independencia en Catalunya. "Los conflictos políticos ígüense con más democracia, non con más represión", añaden dende Asturies pol Derechu a Decidir.

Contador Estadistiques