UNA-Bloque por Asturies mantién el conceyal de Carreño

Roberto Holgado va ser conceyal de Carreño por UNA-Bloque por Asturies. La formación nacionalista mantién asina’l conceyal d’Andecha por Carreño-UNIDÁ na llexislatura anterior. Nesta ocasión, UNA-Bloque algamó un 5,62 por cientu de los votos al sumar 351.
 
El trunfu en Carreño foi pal PSOE al algamar seis conceyales tres sumar 1.805 votos (28,91 por cientu). Tamién van tener representación na Casa Conceyu’l PP, con cuatro conceyales; FAC, con dos; y IX-LV, Unión Independiente de Carreño (UICA), Carreño Unido (CA-UN) y el PCPE, con ún. Unión URAS-PAS nun algama representación al sumar 42 votos (0,67 por cientu).