Una aplicación móvil d'ociu de Zaragoza incorpora actividaes nes llingües propies d'Aragón

La Dirección Cheneral de Politica Lingüistica d'Aragón y l'aplicación móvil 'Encuéntralo Zgz' roblaron un conveniu pa qu'esta popular ferramienta sobre ociu centrada en Zaragoza incorpore actividaes nes llingües propies del país. L'alcuerdu tien un vigor d'un añu.

D'esta forma'l Gobiernu d'Aragón pretende dar difusión a toles actividaes nes llingües propies d'Aragón que se celebren na capital del país entamaes por entidaes ensin ánimu d'arriquecimientu. Los usuarios sólo han de descargar l'aplicación, disponible de baldre p'Android y iOS, y tar sollertes a les notificaciones.

Amás d'ufierta cultural, 'Encuéntralo Zgz' aporta informaciones sobre too tipu d'ociu que se desendolca na ciudá, asina como sobre restoranes, comercios o chigres. El conveniu robláu tien el llargor d'un añu, según informa'l diariu dixital n'aragonés 'Arredol', y nun supón costu nengún pal Gobiernu aragonés.