Un veranu que nun quemó

La Directora Xeneral de Seguridá Pública dio güei los datos del dañu que fizo'l fueu nesti veranu acabante pasar. Fina Álvarez dixo que a lo llargo del veranu prendieron 625 fueos que dañaron 1.983 hectáries. Na valoración de les cifres la directora dixo que taba contenta, en cuantes que les cifres son de les meyores de la historia y que la fola de calor d'esti añu bien pudo causar un dañu mayor. la parte del suroccidente foi otra vuelta onde más fueos hebo, sobremanera nos conceyos d'Allande, Tinéu y Cangas del Narcea.

La Directora Xeneral emponderó l' ampliación de los medios contra'l fueu, y apurrió datos como los 35 conductores más que tien esti añu en plantilla Bomberos d'Asturies, la meyora de los medios aéreos y l'alquisición d'autobombes y vehículos nuevos.


La segunda metada del periodu estival foi otra vegada más peligrosa que la primera, y asina'l fueu castigó más según se metió'l mes d'agostu y en setiembre. Los datos d'esti añu son muncho meyores que los del 2.002 un añu en que quemaron 18.000 hectaries, 13.000 d'elles nos 3 primeros meses del añu, lo que foi un récord absolutu. L'añu 2.000 foi el meyor en munchos años, cuando'l fueu namás abrasó unes 2.000 hectaries.