Un total de 989.732 asturianos van escoyer al presidente nuevu del país

899.939 residentes n’Asturies y 89.793 emigrantes tienen derechu a votu nes eleiciones nacionales anticipaes del 25 de marzu, 2.712 persones más qu’en mayu. El censu eleutoral va poder consultase del 6 al 13 de febreru.

Estes cifras son distintes a las de la anterior cita electoral del 22 de mayo de 2011, na que 987.020 persones taben llamaes a les urnes: 901.905 residentes nel país y 85.115 nel estranxeru. Mentes, 5.862 persones van debutar como eleutores tres cumplir los 18 años dende la votación anterior. Lo que nun camuda ye la distribución de los 45 escaños: seis pa la circunscripción occidental, 34 na central; y cinco, na oriental.

Del total d’eleutores residentes n’Asturies, 734.036 viven nos conceyos de la circunscripción central; 102.855, de la occidental; y 63.048, de la oriental. D’igual forma, 47.872 asturianos nel estranxeru tán venceyaos a la circunscripción central; 21.221, a la occidental; y 20.700, a la oriental. Por países, Arxentina ye’l que más emigración acueye, con 25.105 eleutores, siguíu de México (13.380), Cuba (9.917), Bélxica (7.180) y Venezuela (5.408). Estes persones, pa poder exercer el so deechu a voto, han de tramitar una solicitú a la Delegación Provincial de la Oficina del Censo Electoral hasta’l 25 de febreru col impresu oficial remitíu por esa oficina a les sos direiciones postales.

Ota manera, el censu eleutoral va poder consultase del 6 al 13 de febrero nos Conceyos y nes delegaciones de la Oficina del Censu Eleutoral. Los votantes residentes nel estranxeru podrán comprobar los sos datos d’inscripción nestes mesmas fechaes nos consulaos.