Un total de 19 persones matriculáronse pa la primer prueba de conocencia de gallego-asturiano

Esti sábadu, a les 10 hores, va tener llugar nel Institutu de Tapia la primer prueba de conocencia de gallego-asturiano convocada pola Academia de la Llingua Asturiana (ALLA). 19 persones matriculáronse pa esti esame escritu y oral.
 
La rempuesta de la xente ye considerada “un ésitu” pola ALLA “al ser la primer vegada que se fai y que la población de la zona nun ye mui alta”. Les 19 persones qu’aspiren al títulu van ser esaminaes de conocimientos llingüísticos básicos, puesto que la prueba ta estremada dafechu de la que va tener llugar en mayu, destinada a docentes d’Educación Primaria y Secundaria, qu'han d'amosar un nivel más altu pa poder cursar el ‘Curso de Capaticación en gallego-asturiano’.
 
Esta prueba de conocencia de gallego-asturianu, convocada pola ALLA per aciu de la Secretaría Llingüística del Navia-Eo, súmase asina a les dos d’asturianu que fai la institución académica nos meses de xineru y mayu.