Un motorista pierde la vida nun accidente nun falsu túnel en Cabrales

El vehículu y el fináu, de 25 años, quedaron atrapaos debaxo d'una autocaravana. Nel socesu, nel que tamién tuvo implicáu un coche, resultó firida otra persona.

Un accidente nun falsu túnel de l'AS-114 en Las Estazadas, en Cabrales, provocó la muerte d'un motorista. Foi a les 17.05 hores cuando'l 112 Asturies recibió una llamada pa comunicar el tráxicu incidente.

Nel socesu tuvieron implicaos dos motocicletes, una autocaravana y un turismu. El fináu tuvo que ser escarceláu de los baxos de l'autocaravana, mentes que l'otru motorista, de 27 años, foi atendíu nel llugar y treslladáu al Hospital del Oriente Grande Covián, en Les Arriondes, con un politrauma con pronósticu grave.

Na imaxe, Bomberos d'Asturies con base en Cangues intervién nel llugar del accidente, con un camión aparcáu detrás de l'autocaravana implicada, que tien la cabina de conductor mirando pal otru llau. Semeya del 112 Asturies.