Ún miembru del Comité de Sabios diz que nun hai güecu pal asturianu nel estatutu

La llingua asturiana nun tendría nin que tar nel Estatutu d'Autonomía. Esa ye la conclusión a la que llegó Ramón Punset, Caderalgu de Derechu Constitucional y Lletráu del Tribunal Constitucional y ún de los miembros del comité de sabios que tan asesorando a la Xunta Xeneral del Principáu nel procesu de reforma estatutaria, na entrevista que-y concedió al diariu de Xixón "El Comercio" el pasáu sábadu día 8 d'ochobre. El Director del Departamentu de Derechu Públicu de la Universidá d'Uviéu declaró na entrevista que "La llingua nun-y importa a naide. La prueba ye que la inmensa mayoría de los representantes de los asturianos na Xunta Xeneral nun incluyen nel so programa la cooficialidá" declaró a El Comercio un Punset que retó tamién a que se presenten a las elecciones los que piden la cooficialidá "y a ver cuántos votos saquen". Punset dixo claramente que pa elli "l'asturianu nun había tener güecu nengún na reforma" y y pidió que "Nun nos vendan una moto que nun
esiste".

La entrevista pue lleese nestos dos enllaces Primera parte Segunda parte