Un llibru analiza la historia de la masonería en Xixón

L'estudiosu de la masonería asturiana Victor Guerra presenta mañana vienres en Xixón el llibru 'Las Logias Gijonesas 1850-2004" una de les obres más importantes xunta "Masonería en Asturias 1850 - 1938" d'esti investigador que lleva años reconstruyendo la historia d'una sociedá secreta clave pa entender la historia del país dende mediaos del sieglu XIX hasta la Guerra Civil.

Editáu por editado por La Productora, el llibru va presentase nel Atenéu Obreru de Xixón mañana vienres a les 7 y media de la tarde nun actu al que va asistir el masón Ary Schaeffert, Conseyeru Delegáu del Gran Oriente de Francia pa la rexón Sur. Según l'autor la obra ufierta "la historia del apasionamientu d'unes persones que llucharon por que la enseña de Llibertá, Igualdá y Fraternidá, se convirtiere nel referente a imitar énte'l fanatismu imperante". Ente los masones de Xixón rescampla la presencia de xente como Avelino González García, dirixente de la CNT de Xixón, o bien de dirixentes y militantes del Partíu Federal Republicanu, y hasta una muyer iniciada na masonería como Rosario Acuña, pasó años na ciudá.