Un informe cifra en 585 euros el gastu turísticu por persona y viaxe

|
Valle del Caudal

Ellaboráu pol Sistema de Información Turística de Asturias (SITA).

Ésti lleval' nome de 'Analís de la demanda turística n'Asturies. Branu del 2017 (xunetu y agostu)' y asitia'l gastu por persona y viaxe en 584,85 euros, lo que supón una medra del 7,94 por cientu. Comunidad de Madrid, Andalucía, y Castilla y Lleón concentren el 40 por cientu de los turistes, mentes que'l 7,2 por cientu de les persones que gasten les sos vacaciones nel país son asturianos.

No que respeuta al turismu de fuera del Estáu, Francia ye'l qu'aporta más viaxeros, con un 28,7 por cientu, cifra mui superior a la del añu pasáu, cuando foi del 15,5 por cientu. Reinu Xuníu, con un 16,9 por cientu, y Alemaña, con un 11 por cientu, son los siguientes que más visitantes aporten.

La mayor parte de los turistes visitaron Asturies esti branu por motivos de ocio (79,2 por cientu), si bien se duplicó'l porcentaxe de los que lo fixeron por trabayu y negocios: el 8,2 por cientu frente al 4,2 por cientu del 2016. Ente les razones poles que s'escueye Asturies caltiénse en primer llugar l'interés por conocer nuevos lugares (un 35,1 por cientu de los agospiaos n'establecimientos coleutivos) y, en segundu llugar, con un 14,8 por cientu y confirmando un altu nivel de fidelización ente'l turista, ta la esperiencia anterior.

La gastronomía y el tratu son los aspeutos meyor valoraos, con una puntuación de 8,7 sobre 10. Mentes, la conservación del mediu natural y del patrimoniu cultural asítiase como tercer aspeutu en valoración, con un 8,5.

Contador Estadistiques