Un grupu asturianu adapta a Kafka

El grupu teatral "Nun Tris" presenta esta selmana la obra "K" un montaxe propiu fechu pol director del grupu Toño Caamaño partiendo de la novela "El procesu" del checu Franz Kafka, que cuenta con muncha frialdá y distanciamientu como la burocracia estrapaya la vida d'un paisano al qu'acusa de un crime terrible pero que nin siquiera se sabe en qué consiste. La estrena va ser el vienres 17 de xineru a les 20:15 nel Teatru Nuevu de La Felguera (l'antiguu Cine Maripeña). Toño Caamaño ye ún de los actores más conocíos del públicu asturianu y tamién ún de los que más trabayen, con bien d'obres distintes en circuitu tol tiempu. L'añu pasáu foi elli quien llevó a la escena la obra "Los socedíos de Nelón" obra n'asturianu escrita por Adolfo Camilo Díaz que vieno a remocicar el tarrén del monólogu