Un deteníu pola muerte de la quinta víctima de los disturbios de Londres

LONDRES, 12 d'Agostu (EUROPA PRESS) La Policía británica detuvo a un mozu de 22 años en relación col ataque del que foi víctima Richard Mannington Bowes, la última víctima mortal de los disturbios de primeros d'esta selmana, nel barriu londinense d'Ealing, según informa la BBC. El mozu taría deteníu nel oeste de Londres, baxo sospecha d'asesinatu, disturbios y robu, precisa la cadena de televisión. Hasta'l momentu, Scotland Yard arrestó a más d'un millar de persones, ente elles numberosos menores d'edá, en relación colos disturbios qu'empezaron el sábadu y prollongáronse hasta'l miércoles.