Un cursu de doblaxe dedica un taller al asturianu

Entámalu Gonzali Producciones.

Los 'Talleres de Doblaxe n'Asturianu', de 4 (Nivel I) y 8 hores (Nivel II) son de baldre y tienen accesu a ellos los alumnos que vayan completar el Nivel Avanzáu del 'Temariu de doblaxe' del Curso de Doblaje, Locución, Sincronía y Radioteatro qu'entama dende esti mes de marzu Gonzali Producciones. Ésti empobínase al llogru de conocimientos práuticos sobre l'aplicación de la llingua asturiana nel procesu de doblaxe.

Mientres el so desarrollu va trabayase con muestres de títulos doblaos al asturianu que s'emitieren pela TPA, como 'El rostru impenetrable (One-eyed Jacks)' o 'Harry el suciu', dos de les munches películes que Gonzali Producciones tornare hasta la fecha al nuesu idioma.