Un contautu estrechu con un positivu obliga al aisllamientu a Barbón y al vicepresidente Cofiño

Anuláronse los alcuentros colos representantes del PP y Ciudadanos pa negociar los presupuestos nacionales.

El positivu de Gimena Llamedo obliga al aisllamientu domiciliariu a Adrián Barbón y a Juan Cofiño al ser contautos estrechos de la secretaria d'Organización de la Federación Socialista Asturiana (FSA) y diputada. Nel casu del presidente, va facelo en Presidencia, onde esiste un apartamentu que yá sirviera de residencia al llavianés na primer fola de la pandemia de COVID-19.

Esta circunstancia, de la que se tuvo conocimientu esta mañana, obligó a modificar l'axenda de dambos. Asina, anuláronse les xuntes previstes colos representates del PP y Ciudadanos pa negociar los presupuestos del 2021, ronda que comenzara ayeri col alcuentru con Asturies pela Izquierda (Izquierda Xunida-IAS), na que Llamedo participara de manera telemática.

L'aisllamientu, como marquen los protocolos sanitarios, va tener un llargor de diez díes.

Na imaxe, Barbón y Cofiño nuna de les xuntes del Comité de Crisis COVID-19. Semeya obra d'Armando Álvarez.