Un comité internacional va estudiar la situación del asturianu

Dende l'Academia de la Llingua Asturiana dan anuncia de que ta acabante de constituyise'l International Committee for the Safeguarding of Linguistic Rights in Asturies, que vien afaláu pola Association Internationale pour la Défense des Langues et Cultures Menacées (AIDLCM). La idea de facer esta comisión propunxérase va dellos meses polaa Academia de la Llingua Asturiana col envís de que se conociere 'in situ' la realidá sociollingüística asturiana, la protección que tien l'idioma y les garantíes xurídiques qu'aboguen por ella.

Ello ye que'l Commité va escribir un informe que-yos va mandar a les autoridaes d'Asturies y España y que s'esparderá n'ámbetos internacionales.
Pa facer esta xera, los díes 25, 26 y 27 de payares los miembros del Comité van facer una riestra d'entrevistes cola institución académica asturiana, con responsablesd'educación, autoridaes polítiques, grupos parlamentarios, sindicatos, axentes sociales, representantes culturales, etc. Amás de pañar información, el Comité quier tamnién analizar les propuestes que reciba de les entidaes y cargos colos que va falar.


Nel comité que va visitar Asturies tan Paul Lefin (Bélxica, presidente de la AIDLCM) Ignasi Vila (España, reconocíu internacionalmente como una de las figures más importantes en el ámbrtu de la educación billingüe) Alie Van der Schaaf (Holanda, antropóloga y esperta en minoríes llingüístiques d'Europas) Julio Meirinhos (Portugal, ex-diputáu del Partíu Socialista Portugués y impulsor de la declaración d'oficialidá del mirandés).

Dende'l International Committee for the Safeguarding of Linguistic Rights in Asturies, quieren dar les gracies yá de mano pola collaboración qu'alcontraron pa facer la so xera n'Asturies y cuiden que'l tiempu que vayan echar equí valga p'algamar nueves perspectives na conservación del asturianu