Un CD firmáu de Dixebra y de Tejedor, ente los artículos que van salir a puya polos neños palestinos

|

L’avilesín Palaciu de Campusagráu va acoyer el vienres una puya solidaria pa recaudar perres pa les neñes y neños palestinos refuxaos. Ente los artículos previstos destaquen un CD de Dixebra y de Tejedor firmaos polos sos miembros.

Tol dineru que se consiga cola puya va destinase a la ONG palestina Hewar for Chilhood Center, en concreto pa un proyeutu educativu de neños y neñes nel campu de refuxaos d’Askar, en Nablús (Cisxordania). Son munchos los músicos, escritores, deportives y ciudadanos que collaboren na causa mediante la cesión d’artículos, ente los que destaquen un CD de Dixebra y otru de Tejedor firmaos, amás d’otru de Carlos Núñez y trés de Reincidentes; una camiseta de Sete Gibernau tamién firmada; vestuariu de Cristina del Valle; camisetes del Avilés; y un llibru firmáu de Silvia Abascal.

Completen la llista hasta la fecha –podríen incorporase oxetos más enantes del sábadu– trés llibros de Fernando Rueda firmaos; camisetes cedíes por Extremoduro, ensin firma; xabón y aceites naturales Nablús; once caricatures feches por Rafa Lefar; una máquina d’escribir electrónica; vietnamites; bicicletes de carrera; un tecláu inalámbricu seminuevu; una batería eléctrica; un aparatu pa facer gimnasia (remu); un llibru infantil; un llibru d’Esperanza Medina firmáu; material informáticu; y un cuadru d’Esther Cuesta y otru de Cristina Cuesta. Tolos materiales van tar espuestos nel Palaciu de Campusagráu mañana y el vienres hasta la puya, prevista pa les 19 hores.

Contador Estadistiques