Un arramáu nuevu nel ríu Arlós provoca la muerte de truches

"Muerren les poques truches que quedaben nel ríu por otru vertíu más", denuncien dende'l Colectivo Ecologista de Avilés.

Esti coleutivu denunció'l sábadu énte'l Gobiernu y la Confederación Hidrográfica del Cantábricu un arramáu nuevu d'agües residuales "coincidiendo col bastiazu de la tarde", que cree que pudiera venir del coleutor de Les Vegues. "Apreciábase a 2 quilómetros agües abaxo", apunten los ecoloxistes, que vieron "delles truches muertes –desconozse'l númberu total porque escureció–, pero serán dalgunes de les poques que-y queden al calce tres años de vertíos continuos, pese a que ta zarráu a la pesca dende hai años".

"Esti arramáu nuevu súmase a la llista interminable d'episodios contaminantes de los diferentes afluentes qu'acaben na ría d'Avilés, de la que cada poco tiempo nos anuncien que va desaniciase esa llaceria, pero por más tiempu que pasa sigue produciéndose con demasiada frecuencia pa vergoña de les autoridaes que lo permiten", critiquen dende'l Colectivo Ecologista de Avilés, que demanda'l cambiu del coleutor de Corvera y la so interconexón.