Un anunciu nada inocente

Dende va una selmana, la sección Conceyu Abiertu tien puesta una encuesta sobre la presencia de la fiesta taurina n'Asturies nun momentu en que delles instituciones y colectivos tan faciendo porque espoxigue l'actividá taurina nel país. P'aportar más elementos al discutiniu, esta selmana reproducimos un artículu que yá tien un tiempu pero que nun dexa de ser d'interés. Trátase d'un artículu apaecíu nel númberu 9 de la revista Asturies Memoria Encesa d'un País, espublizada pol Conceyu d'Estudios Etnográficos Belenos. Nelli, Carlos Lastra, de l'asociación Amigos de la Naturaleza d'Asturies, esplica l'enguedeyáu procesu pol que los famosos toros-anunciu d'Osborne quedaron mangaos nes nuestres carreteres cuando nun yeren otro que propaganda y como dende'l Principáu se xustificó la so presencia atendiendo a argumentos de triba cultural.