Un 66% piensa que “Felechosa” nun trabayó pola cultura asturiana

Al 66% de los llectores d’Asturies.com que participaron na encuesta da-yos igual la destitución d’Arias-Cachero como conceyal de Cultura d’Uviéu. Defenden que nesti tiempu nun fizo nada pola cultura asturiana nel so cargu.

D’otra miente, un 23% opinen que ye un exemplu nidiu de la falta de democracia nel Partíu Popular, mentantu qu’un 9% defende que’l cese de “Felechosa” ye un retroceso pal asturianismu.

A la fin, namás qu’un 2% de llectores aprobó’l cese baxo los argumentos que Gabino de Lorenzo, alcalde d’Uviéu, planteó.

Asturies.com abre güei una nueva encuesta sobre la fala del occidente d’Asturies, en rellación a les conclusiones del congresu “Ciencia, llingua y fronteres”.