Un 54 por cientu de los llectores cree que debe respetase’l reglamentu nel casu de Manchón y Busto nel Seya

|
Un 54 por cientu de los llectores cree que debe respetase’l reglamentu nel casu de Manchón y Busto nel Seya

La decisión del Comité Organizador del Descensu Internacional del Seya (CODIS) de nun dexar competir a Beatriz Manchón y Manuel Busto en categoría K-2 senior masculina ye entendible pal 54 por cientu de los usuarios d’Asturies.com que participaron en 'Conceyu Abiertu'. Cree que debe respetase’l reglamentu internacional.

La entruga plantegada nesta ocasión yera ‘¿Deberíen dexar competir a Beatriz Manchón y Manuel Busto en categoría K-2 senior masculina del Descensu del Seya?’, a lo qu’un 54 por cientu consideró  que ‘Non, porque nun lo permite’l reglamentu internacional y deberíen salir como’l restu de K-2 mestos’, por un 46 por cientu que señaló que ‘Sí, pola carrera deportiva de dambos y porque ye discriminar por sexu’. La intención de los dos esitosos piragüistes yera inscribise nesa categoría pa poder acceder a los puestos cabezaleros na salida, llendaos namái a homes, y poder asina competir pol trunfu na prueba n’igualdá de condiciones, dalgo a lo que se negó’l CODIS basándose na normativa de la Federación Internacional de Piragüismu.

Dende esti momentu yá ye posible participar nun ‘Conceyu Abiertu’ nuevu. Nesta ocasión prestaríanos conocer la opinión de los nuesos llectores sobre si los dos equipos cabezaleros del fútbol asturianu, dambos en Segunda División, tienen potencial p’algamar l’oxetivu del ascensu.

Contador Estadistiques