Un 45 por cientu de los llectores d’Asturies.com cree que'l comunicáu d'ETA ye definitivu

El ‘Conceyu Abiertu’ plantegáu a los nuesos usuarios sobre’l comunicáu d’ETA desveló que’l 45 por cientu de los llectores cree que nun hai marcha atrás na decisión de la banda. El 37 por cientu nun lo tien tan claro.
 
La entruga concreta plantegada yera ‘¿Piensa que’l comunicaú d’ETA sobre’l cese de la so actividá ye’l fin de la banda?’, a lo qu’un 45 por cientu retrucó ‘Sí, yá nun hai marcha atrás’. Mentes, un 37 por cientu optó por mantener reserves y votó por la respuesta ‘Non, hasta que nun entregue les armes nun va terminar ETA’, y un 17 por cientu señaló nun tener una idea clara de lo que va acontecer.
 
Dende esti momentu, los llectores d’Asturies.com pueden participar nun ‘Conceyu Abiertu’ nuevu. Nesta ocasión queremos saber la opinión de los nuesos usuarios sobre los resultaos del 20-P n’Asturies.