UCE-Asturies entama una campaña en Xixón pa informar sobre les ayudes a la vivienda

Esti martes va principiar una campaña informativa en Xixón sobre les ayudes a la vivienda que pueden recibir los asturianos. UCE-Asturies entama esta iniciativa que va tener la so primer cita nel Atenéu Obreru de La Calzada.
 
La campaña va desarrollase a lo llargo de tol mes y va tar centrada nes subvenciones y beneficios orientaos a la compra, alquiler y rehabilitación de viviendes a les que pueden acceder los ciudadanos y ciudadanes que residen n’Asturies. Según indiquen dende la Unión de Consumidores d’Asturies (UCE-Asturies), en concreto va informase a los interesaos sobre les modalidaes d’ayuda, cuantíes, procedimientos de solicitú y condiciones p’acceder a les mesmes.
 
El programa d’actividaes informatives va depender de Carmen García, abogada y miembru del serviciu xurídicu d’esta asociación asturiana de consumidores. Tres l’alcuentru del martes en La Calzada, otros barrios de Xixón van acoyer estes reuniones informatives. Asina, el miércoles García va tar presente nel Centru Municipal Integráu Pumarín-Xixón Sur y, el sábadu 21 de xunu, nel Centru Municipal Integráu d’El Llano. Tolos alcuentros tán programaos pa les 19 hores.