Trunfa la "Estratexa" de Manta Ray

El nuevu discu de los asturianos va llevalos nuna xira europea con más de trenta conciertos.La bona salida que ta esfrutando la última producción del grupu asturianu de post-rock tradúzse yá nuna xira europea que yá tien zarraos más de trenta conciertos que van llevalos per llugares como París, Milán, Berlín, Colonia, Barcelona, A Coruña o Madrid ente otres ciudaes del continente, rescamplando ente elles la capital rusa, Moscú. La xente de casa vamos poder velos en Xixón el 25 d'abril na edición d'esti añu del festival "Intersecciones".Otramiente, "Estratexa" ta teniendo una gran acoyida nos medios y crítica especializaos. Dende que saliere'l pasáu 3 de febreru, el grupu nun fai namás que recibir l'aprobación de los medios especializaos na música independiente. Esta selmana son númberu ún con "Que niño soy" na llista de singles del "País de las Tentaciones", suplementu del diariu "El País". Pa rematar el despliegue mediáticu, Manta tamién van ser portada na revista sobre música independiente más importante a nivel estatal,la famosa "Rock de Luxe"un espaciu privilexáu que tamién va ocupar pal siguiente númberu'l cantautor asturianu Nacho Vegas, lo que demuestra'l puxu de los músicos asturianos nel ambiente independiente.