Tres goles de xente la casa dan una importante victoria

El tríu asturianu de música folk DRD va presentar el so
discu Namái nel 7th Open House Traditional Arts Festival 2005, que va
celebrase na localidá norirlandesa de Belfast esti fin de selmana.



Los conciertos de DRD son los díes 1 y 2 d'ochobre, na sala
Whites Tavern. Pal grupu nun ye una esperiencia nueva tocar n'Eire, porque
yá visitó la isla en dos ocasiones esti iviernu. Amás de
los
conciertos nel festival, el grupu tocó ayeri vienres 30 en directo
na BBC Ridió Uladh (BBC Radio Ulster), p'ayudar asina a crear más
espectación énte los sos conciertos nún pais que ta
descubriendo la música asturiana. El grupu
asturianu va compartir cartel nesti Open House Festival con dalgunos de los
nomes más importantes de la música folk mundial d'ayeri y
güei. A lo llargo de la selmana que dura'l festival van tocar grupos como
Sharon Shannon, Frankie Gavin & Michael McGoldrick -que nel so
últimu discu yá toquen dos pieces asturianes-, Flook -que
tamién tien delles melodíes asturianes grabaes-, Beoga, Matt
Molloy, Pennoù Skoulm, Le Vent du Nord...etc.



DRD, que ta formáu por Dolfu R. Fernández con vigulinos y
voz, Rubén Bada con bouzouki y guitarra y Diego Pangua con xiblates,
llega'l festival col discu nuevu acabante de salir. Namái, que ye como
ye se llama'l discu, grabóse nos estudios del técnicu de
soníu Sergio Rodríguez, y nél participaron como
collaboradores collaboradores Jarlath Henderson -músicu del añu
de la BBC de 2003- cola gaita irlandesa y el propiu Sergio Rodríguez col
baxu.