Trés actuaciones conformen la Nueche Folk de Fitoria

|
Trés actuaciones conformen la Nueche Folk de Fitoria

La celebración de la parroquia uvieína llega a la so decimosétima edición.

Xosé Antón Fernández ‘Ambás’, cantante de Tuenda, va encargase de lleer el pregón de les fiestes de Fitoria mañana a les 22.30 hores, pa depués dar pasu a un conciertu del so grupu, que tocara per última vegada nesta parroquia uviedina hai dos años. Darréu, van xubir al escenariu Salón Bombé, que repite depués de l’actuación na edición pasada.

Una vegada caldiáu l’ambiente, el turnu va ser pa Skama la Rede, que debuten na Nueche Folk de Fitoria. La folixa nesta parroquia uvieína, mentes, va continuar hasta’l llunes con un programa cargáu d’actividaes.

Contador Estadistiques