Trece conceyos formen la zona infestada pola poliya guatemaliana

|
Mapa zones infestaes pola poliya guatemaliana payares

La Conseyería de Desarrollu Rural y Recursos Naturales resuelve incoporar la totalidá de nueve conceyos a los cuatro que yá teníen esta calificación a primeros de xunu.

Navia, Valdés, Cuideiru y Xixón, que teníen delles zones con presencia de la poliya guatemaliana de la pataca, y Tapia, Cuaña, El Franco, Pravia y Muros, que yeren conceyos tapón, pase a la llista de territorios integraos na área infestada. D'esta forma, amplíense a 13 los conceyos afeutaos na so totalidá pola Tecia solanivora, yá que dende marzu punxéronse midíes contra esta plaga en Castropol, A Veiga, Taramundi y San Tiso d’Abres.

Sigue siendo zona tapón Villayón, mentes que pasen a tener esta calificación Santalla d'Ozcos, Vilanova d'Ozcos, Eilao, Bual, Tinéu, Salas, Candamu, Sotu'l Barcu, Castrillón, Llanera, Illas, Corvera, Avilés, Carreño, Gozón, Siero, Noreña y Villaviciosa. Como midida complementaria, la resolución afita la obligación de declarar les parcelas nes que se vaya a cultivar pataca en feches próximes en Colunga, Caravia, Ribeseya, Llanes y Ribadeva pa permitir el siguimiento de la posible evolución de la plaga.

Contador Estadistiques