Trabanco lleva lo so sidra de collecha propio a Madrid

|

El Grupo Trabanco, enfotáu en siguir promocionando la nuesa bébora tradicional fuera de les nueses llendes y n’abrir mercaos, va presentar la so sidra de collecha propio en Madrid. Va ser el xueves nel Vicente Calderón, enantes de la Sidroquedada.
 
L’actu de presentación de la collecha décimu aniversariu de la sidra Trabanco ‘gourmet’ o d’escoyeta va ser a les 19 hores nun recintu del estadiu del Atlético que lleva’l nome de sala Sport Arena. Al mesmu tienen prevista la so asistencia representantes de la hostelería de Madrid, distribuidores y periodistes especializaos que tán na ciudá pola celebración nel IFEMA del XXV Salón de Gourmets.
 
Ésta ye la primer ocasión na que’l Grupo Trabanco fai un presentación d’una collecha de la sidra d’escoyeta en Madrid. “Ye una ocasión especial porque se cumplen diez años de la salida al mercáu de ‘Trabanco Collecha Propio’, sidra natural gourmet avalada por un certificáu de garantía de calidá y ún de nuesos productos estrella, tantoen mercaos nacionales como internacionales”, esplica Samuel M. Trabanco, xerente del llagar de Llavandera.
 
Tres la presentación, nesi mesmu recintu, va celebrase una edición nueva de la Sidroquedada, un eventu creáu hai ocho años por un grupu d’asturianos forziaos a emigrar a Madrid qu’echaben de menos la sidra. Asina, entamaron a organizar espiches y, poco a poco, foi sumándose xente hasta llegar a reunir a decenes de persones, obligando a los organizadores a buscar recintos amplios pa facer les celebraciones. Con ésta, que va contar cola siempre escelente sidra d’escoyeta de Trabanco, van sumar 136 ediciones. 

Contador Estadistiques