TPA emite l'alderique eleutoral ente los candidatos al Congresu

Va moderalu Ignacio Monserrat, editor d'informativos de la canal, y nél van participar namái los partíos con representación.

A les 22.21 hores ta anunciáu'l comienzu del alderique eleutoral en TPA de los candidatos al Congresu por Asturies. Al mesmu van acudir los cabeza de llista de PP-Foro, Paloma Gázquez; PSOE, Adriana Lastra; Xuníes Podemos, Sofía Castañón; y Ciudadanos-Partido de la Ciudadanía, Ignacio Prendes.

El so llargor va ser d'una hora y media, nel que se van tratar dellos temes. Esti domingu, 28-A, les asturianes y asturianos van poder escoyer ente doce candidatures pa elixir los sos 7 representantes al Congresu, y ente once pa 4 de los 6 que-y correspuenden al país nel Senáu.

Na semeya, un momentu del alderique eleutoral de TPA pa les eleiciones estatales del 2015.