Touriño va proponer que'l gallegu sía asignatura optativa nel occidente asturianu

El presidente de la Xunta de Galicia, Emilio Pérez Touriño, va plantegá-y al xefe del executivu asturianu Vicente Álvarez Areces, la posibilidá de que'l gallegu puea ser una asignatura optativa nos conceyos del occidente asturianu, según declaraciones esclusives feches al diariu "El Comercio" pol presidente gallegu.

Emilio Pérez Touriño aclarió al diariu asturianu que la propuesta precisaría de l'aprobación de la parte asturiana pa llegar al so inxerimientu nos programes educativos, pero, en cualquier casu, esti va ser ún de los temes que van tar enriba la mesa nel VIII alcuentru astur - gallegu que va celebrase los díes 16 y 17 de febreru, y nel que van analizase les midíes conxuntes desarrollaas a lo llargo del añu pasáu, en que se fexo en Compostela'l primer cume ente les dos autonomíes dempués de siete años sin convocase. Ente los asuntos a tratar van tar la protección mediuambiental de la Ría del Eo, l'avance de les obres de l'autovía del cantábricu, cuestiones rellacionaes cola pesca y programes de desarrollu rural conxuntos ente dambes alministraciones., amás d'una propuesta pa trabayar a comuña na negociación del modelu de financiación autonómica.