Tornen a aumentar los finaos, anque descienden los positivos nuevos

Los ingresaos en planta baxen en 19 persones per segundu día, pasando de 353 a 315.

Los datos últimos de la pandemia de COVID-19, actualizaos a les 20 hores d'ayeri, confirmaron 12 muertes más en 24 hores, polo qu'Asturies yá suma 223 finaos. Ye la cifra más alta de tol andanciu, igualando la cifra del 11 d'abril, cola esceición única del vienres, cuando hebo que llamentar 13.

Por contra, el númberu de positivos nuevos baxó de 54 a 34, colocando'l total en 2.453. Ayeri procesáronse 1.445 muestres pa determinación de la COVID-19 (33.296) y 1.087 por test d'anticuerpos (8.400), polo que se lleven feches hasta'l momentu 41.696 pruebes.

Les curaciones ascendieron 26 na xornada, con un descensu nel númberu de pacientes ingresaos: 3 menos na UCI (53) y 19 en planta (315).