Toli Morilla entama una mini-xira per escenarios asturianos

Toli Morilla comenzó esti miércoles n'Uviéu una mini-xira que tien de llevalu güei a Llangréu (vienres 11, Nuevu Teatru), a Mieres (sábadu 12, Centru Cultural Caxastur) y que rematará'l prósimu xueves 17 na Colexata San Xuan Bautista de Xixón a partir de les 20 hores.

Acompañáu a la perfección por músicos bien conocíos como Paul Bertrand (teclaos), Jorge Otero (guitarres y mandolina), Héctor Braga (violonchelo) y Alex Blanco (caxón), Morilla repasó cuasi na so totalidá'l so últimu discu, Entropía, anque nun dexó pasar la ocasión pa revisitar dellos temes yá clásicos dientro del so repertoriu, como foron Alluma'l to Camín, Cantar y Na to Cintura.

Como nun podía ser d'otra manera tamién hubo sitiu pa les adaptaciones de All Along the Watchtower y It's all over now, baby blue, que sirvieron pa finalizar el conciertu y coles que Toli Morilla rinde'l so pequeñu tributu al magu de Minessota, Bob Dylan.