Tola izquierda vasca convoca una concentración polos derechos

Eusko Alkartasuna, Aralar, Alternatiba y Izquierda Abertzale convoquen una concentración silenciosa baxo'l lema 'Sí a los derechos humanos, sí a los derechos civiles y políticos. ¡Tolos derechos pa toles persones n'Euskal Herria!'

En rueda prensa, Lorentxo Garmendia (Aralar), Agustín Rodríguez (IA), Alberto Unamunzaga (EA) y Xabi Soto (Alternatiba) consideraron que "Euskal Herria ta entrando nuna nueva etapa política" na que se dea solución al conflictu políticu "puramente per víes polítiques, pacífiques y democrátiques".
  
Nesi sen, repitieron la so apuesta pol respetu a tolos derechos de toles persones, en base a los principios establecíos na lexislación internacional sobre Derechos Humanos y en tola normativa "desarrollada pola ONU".
 
La concentración va tener llugar el próximu vienres a les siete de la tarde nos xardinos d'Alderdi Eder en San Sebastián.
  
“Poca voluntá” d’España
Sicasí, denunciaron que, frente al so "compromisu", el Gobiernu central "ta dexando n'evidencia la so poca voluntá pa favorecer una solución a la situación de violencia y conflictu políticu realizando continues provocaciones y poniendo de continuamente piedres nel camín".
  
Los convocantes, firmantes toos ellos del Documentu de Gernika, recordaron que nel últimu mes delles persones resultaron deteníes en distintes operaciones policiales y refiriéronse concretamente a los casos de los donostiarres Ugaitz Elizaran, Urko Aierbe y Xabier Atristain que "denunciaron dures tortures".
  
D'esta manera, consideraron "fundamental" dar a conocer a la sociedá estes denuncies "pa que conozan la gravedá que tienen los métodos utilizaos nestos periodos d'incomunicación pa llograr autoinculpaciones".
  
Nesa llinia, solicitaron a los máximos responsables municipales que nel casu d'estos trés donostiarres "esixan a los organismos competentes a que se proceda a una investigación pronto, independiente, imparcial y completa, y si hubiera llugar a ello, lleve ante la xusticia a los autores de diches infracciones".
  
En señalando que "establecer esti nuevu escenariu que se ta creando nesta sociedá requier del compromisu y l'aportación de toos", esixeron, como apaez recoyío nos encamientos del Relator Especial de les Naciones Uníes, "el respetu sistemáticu de tolos aspectos de la prohibición internacional de la tortura".